Kur Matt dhe Jessica Johnson u martuan, ata bënë diçka që askush nga miqtë dhe familja e tyre e prisnin të bënin.
Ata shitën shtëpinë, u dorëhoqën nga karriera e tyre e suksesshme si menaxher dhe specialiste finance dhe blenë një jaht të vogël.
Për rreth katër vite tani, ata kanë lundruar përreth botës nën shoqërinë e maces së tyre, George.
Duke jetuar me 1,000 dollarë në muaj, ata kanë vizituar 16 shtete, përfshirë, Bahamas, Xhamajkë, Kuba dhe Peru, ndërsa nuk kanë asnjë qëllim që ta ndërpresin këtë aventurë së shpejti. Historia e këtij çifti të guximshëm është vërtetë frymëzuese.
“Çdo gjë filloi në vitin 2007. Ne po flisnim në liqenin Miçigan për një pushim dhe vura re që Matt po inspektonte në mënyrë të imtësishme varkat”, kujton Jessica.
“Më pas ai më tha: “Pra Jess, ne ose mund të blejmë një shtëpi ose të shpenzojmë të gjitha kursimet tona për një varkë. Çfarë mendon, cila nga këto është ide më e mirë?”. Kjo është se si ne vendosëm që donim të shpenzonim verën në ujë”.
Në qershor të 2011-s, çifti shiti shtëpinë. Ishte kjo koha kur kuptuan se donin të shkonin në një lloj udhëtimi që mund të ndryshonte jetën e tyre. “Sa do të zgjasë? 5, 6 vite, mbase më shumë, nuk ka rëndësi”.
“Ne kuptuam se po harxhonim kohën duke parë televizor, duke mos bërë asgjë të vlefshme. Nëse do të vazhdonim ashtu nuk do të kishim asnjë eksperiencë të vërtetë për të kujtuar kur të plakeshim. Ne donim ta ndryshonim këtë dhe e bëmë”, thotë Jess.
Burimi: Brightside
