Pasi i dha fund lidhjes me moderatoren Luana Vjollca, këngëtari Adrian Gaxha, nisi të tregohej disi i rezervuar për jetën e tij private.
Megjithatë, syrit kureshtar të mediave dhe fansave, nuk i shpëtuan disa dalje publike të këngëtarit me një vajzë simpatike që quhej Dafina. Çifti u kap mat disa herë, madje edhe në aeroportin e Prishtinës, por sërish nuk dha detaje.
Më pas, Adriani pranoi se ishte në një lidhje që nuk donte ta bënë publike për shkak se respektonte partneren, e cila sipas tij, nuk ka pse të jetë në fokus të mediave kur nuk është personazh i njohur.
Herën e fundit që i pamë bashkë në publik, ishte në festën e organizuar nga grimieri i njohur në Kosovë, Armend Ramadani, me rastin e 15-vjetorit të karrierës së tij.
Adriani dhe Dafina u shfaqën shumë afër njëri-tjetrit dhe dukeshin mjaft të dashuruar. Por së fundi, në një intervistë për Prive, Adrian Gaxha ka zbuluar se është “single”. Për arsye ende të panjohura, lidhja e tyre mesa duket ka përfunduar.
“Jeta vazhdon”, u shpreh ai për mikrofonin e “Prive”, duke konfirmuar ndarjen. Epo, mirë se erdhe në tregun e beqarëve Adrian.
