Në fund të muajit gusht, këngëtarja Katy Perry dhe Orlando Bloom kanë mirëpritur fëmijën e tyre të parë së bashku, një vajzë që e kanë pagëzuar me emrin Daisy Dove Bloom.
Katy dhe Orlando e dhanë lajmin e bukur për UNICEF, organizatën për të cilën ata shërbejnë si ambasadorë të mërkurën, 26 gusht.
“Ne jemi të mbushur me dashuri dhe befasi nga ardhja e sigurt dhe e shëndetshme e vajzës sonë. Por ne e dimë që jemi me fat dhe jo të gjithë mund të kenë një përvojë lindjeje aq të qetë sa ishte e jona”, thanë ata në një deklaratë.
Vajza e çiftit erdhi në jetë të mërkurën, duke e bërë Perry-në nënë për herë të parë dhe Flynn 9-vjeç vëlla të madh. Ky është djali i vetëm i Bloom me ish-gruan Miranda Kerr.
Tashmë që familja është zgjeruar, Katy dhe Orlando kanë marrë një vendim të rëndësishëm, duke u shpërngulur në një shtëpi fantastike me hapësirë të bollshme.
Ata kanë nisur një jetë të re në kompleksin Montecito, i cili ka pamje nga Oqeani Paqësor.
Rezidenca ndodhet në zonën e pasur të Kalifornias dhe i ka kushtuar çiftit 14.2 milion dollarë dhe përfshin një sipërfaqe toke prej 8.9 hektarësh.
Vizitorët mund të hyjnë në shtëpi përmes një rruge të gjatë me dru lisi.