Lajmi se juristja e njohur shqiptare Eni Çobani përfundoi në policinë e Gjirokastrës ditën e sotme pasi u denoncua nga një qytetare me emrin Rudina Islamaj, bëri bujë në të gjitha portalet.
Sipas “Report Tv” qytetarja pretendonte se Çobani e kishte kërcënuar pasi kishin debatuar gjatë një seance gjyqësore.
Por vetë Eni Çobani e ka mohuar këtë lajm duke thënë se seanca gjyqësore ishte normale dhe asgjë nga këto nuk ka ndodhur. Për “Gazeta Shqiptare” ajo është shprehur: “E gjitha është një dezinformim! Skandaloze! Nuk e di si ka dalë ky lajm që unë jam shoqëruar në komisariat. Është një lajm i rremë dhe nuk e di se si mund të luhet me figura publike. Unë jam duke u khtyer për Tiranë dhe këtë lajm e kam marrë vesh nga të tretë”.
Ndërkohë ky lajm është mohuar edhe nga Gjykata e Apelit dhe Polica e Gjirokastrës.
Nga ana tjetër Rudina Islamaj është gruaja që fundosi kryetarin e Gjykatës Gjirokastër pasi i kërkoi favore seksuale në këmbim të drejtësisë për çështjen e saj.
Ajo e bëri publike audiopërgjimin me Guximtar Boçin në emisionin investigativ “Stop”.
