Oriola Marashi është ndër modelet më të famshme në Shqipëri, e cila hodhi hapat e para të karrierës në “Icon Agency”, e në të njëjtën kohë edhe më të komentuarat.
Por në rastet që komentet janë shumë kritikuese, modeles i del në mbrojtje e ëma, Xhoi Jakaj e cila me shumë mirësjellje i kërkon ndjekësve që të lënë të qetë të bijën, pasi ajo është artiste dhe ky është profesioni i saj!
E ftuar në emisionin “Trokit”, Xhoi Jakaj tregoi se është mësuar me komentet, pasi të jesh person publik do të thotë të marrësh një kosto përsipër.
“Në momentin që e ke pranuar brenda vetes se do të jesh një personazh publik dhe puna jote i dedikohet të tjerëve. Ti do të marrësh një lloj kosto sepse ti nuk mund të pëlqehesh nga të gjithë” – tha e ëma e Oriola Marashit.
Edhe përse moderatori Ermal Peçi këmbënguli të mësonte më shumë, Xhoi Jakaj u shfaq shumë e rezervuar. Më herët, ajo është shprehur se Oriola ia ka ndaluar të flasë për të në intervista.
