Prej pak ditësh po përflitet se Lori Hoxha dhe Vis Bajraktari mund të jeni rikthyer bashkë. Ose ndoshta mund të mos jenë ndarë kurrë. Ku i dihet. Disa ditë më parë, ndjekësit e tyre vunë re se Lori dhe Visi kanë veshur të njëjtën bluzë. Një bluzë e zezë me të njëjtin model e veshur në një hark kohor prej pak ditësh nga njëri-tjetri i ka bërë shumë persona të dyshojnë se Lori dhe Visi janë sërish çift.
Pati edhe nga ata që menduan se kjo mund të jetë e gjitha një rastësi, mirëpo fotoja e fundit duket se i ka shuar të gjitha dyshimet. Visi ka ndarë një foto në Snapchat ku shihet se ka veshur një bluzë nga koleksioni i parë i veshjeve sportive të Lori Hoxhës i cili u nxor në shitje në filim të dhjetorit.
Nuk dimë të themi me siguri se çfarë ka mes tyre pasi ekziston edhe mundësia që të kenë mbetur miq. Lori dhe Visi janë treguar shumë të rezervuar. Ata nuk folën kurrë për lidhjen e tyre dhe në rrjete sociale po ashtu tregoheshin të rezervuar, por fotot në vende të përbashkëta gjithmonë i “tradhtonin” dhe zbulonin hapur se ata ishin gjithmonë të pandarë nga njëri-tjetri.
Në media u raportua se ata i dhanë fund lidhjes së saj gjashtë vjeçare 2 vite më parë. Si fillim mjaftoi fakti që ata nuk ndiqeshin më bashkë në rrjete sociale për të ngritur dyshimet se nuk ishin më çift. Më pas disa postime thumbuese që dukeshin sikur ja drejtonin njëri-tjetrit i vunë vulën faktit se ata nuk ishin më bashkë.
Por, jo rrallëherë rrjetet sociale na kanë gënyer dhe ky mund të jetë një tjetër shembull.
