Enca është padyshim një nga këngëtaret që ka treguar se i pëlqen shumë të luajë me look-un e saj. Kemi parë se ajo ka eksperimentuar shumë me flokët, duke provuar ngjyra të ndryshme, të cilat i shkojnë të gjitha.
Prej kohësh e kishim parë brune, por viti i ri ka nisur me ndryshime.
Ajo ka ardhur shumë natyrale, pa extensions dhe ka errësuar ngjyrën e flokëve. Ajo ka ndarë ndryshimin e saj me ndjekësit në rrjete sociale , duke treguar se është dashuruar me ngjyrën e saj të re të flokëve.
Këngëtarja po ashtu po rikthehet fuqishëm në muzikë, pas një pushimi të gjatë për shkak të ndërhyrjes në këmbë.
Ajo kreu një operacion të vështirë që i kushtoi një regjim shtrati, megjithatë kjo periudhë në shtëpi ka qenë tepër produktive për Encën. Enca ka punuar për shumë projekte të tjera, dy prej të cilave i ka totalisht gati.
Ajo i ka ndarë dy këngët e saj në Instagram disa javë më parë, duke zbuluar titujt dhe një pjesë të secilës prej tyre.
Kënga e parë titullohet “Zemër”, ndërsa demon e saj mund ta dëgjoni më poshtë:
Kënga e dytë e Encës titullohet “Ndoshta”:
Këngëtarja ia ka lënë në dorë ndjekësve për të vendosur se cili prej projekteve të saj të reja “meriton” të publikohet i pari.
Në bazë të votave të publikut, këngët do të lançohen sipas radhës. Mos u vononi të jepni votën tuaj në llogarinë e Encës në Instagram.
