Retro dhe më sportive se ç’e kishim parë prej kohësh, Elvana Gjata paralajmëroi pak orë më parë një surprizë, e cila duket të ketë të bëjë me një këngë të re.
Në fakt, “Prive” zbuloi dy javë më parë se, përpos këngës “Fustani” me Capital T, Elvana do të publikojë një këngë të re, klipin e së cilës e ka realizuar në Stamboll.
Megjithatë, njerëzit po mendojnë se Elvana Gjata kur thotë “surprizë” e ka fjalën për një bashkëpunim me Era Istrefin.
Nuk e keni idenë sa shumë komentues kanë përmendur emrin e Erës si artistja krah Elvanës në projektin e ri.
Dhe jo më kot, pasi Elvana ishte dje e ftuara speciale e Erës në ditëlindjen e saj të 25-të. Këngëtaret u puthën dhe u përqafuan, shumë të qeshura pranë njëra- tjetrës. (shiko këtu)
Përveç kësaj, stili i Elvanës duket i frymëzuar nga vitet ’90, siç jemi mësuar të shikojmë zakonisht bjonden Istrefi.
