Pete Davidson mendon se Ariana Grande ka probleme me shikimin, pasi i tha “po” propozimit të tij për t’u martuar. Ylli i “Saturday Night Live” në një intervistë për revistën “Variety” ka rrëfyer se ka frikë se Grande do të humbasë një ditë interesin për të.
“Ende besoj se ajo nuk është mirë nga sytë ose ka goditur kokën shumë keq. Kur të shërohet, ajo do të më kërkoj shpjegim se çfarë dreqin po ndodh aty! Po tani, gjithçka është super perfekte.” – tregon Pete Davidson për revistën “Variety”.
Aktori 24-vjeçar, kujton plot nostalgji edhe momentin e propozimit.
“Nuk ishte diçka madhështore. Ne ishim shtrirë në shtrat, duke parë një film. Dhe i thash: ‘Ke dëshirë të martohesh me mua?’ Ishte shumë e lezetshme.” – vijon Pete.
Por një gjë është e sigurtë, ky djalë ka rënë kokë e këmbë në dashuri me këngëtaren.
“Nuk kam menduar kurrë se do të njihja dikë si ajo. Nuk mund ta përshkruaj dot me fjalë sesa fantastike është. Më vjen për të qarë. Ajo është personi më i mirë, më i zgjuar, më seksi që kam njohur në jetën time. Po jetoj në ëndërr. Po jeton në botën e fantazisë.” – përfundoi aktori.
Marrëdhënia e Grande-s me Davidson ka tërhequr shumë vëmendjen e fansave dhe të medias, që nga koha se ata njoftuan se ishin bashkë. Ndaj, Davidson vendosi të shkëputet nga rrjetet sociale.
