Shumë emra të njohur si Rihanna, Sandra Bullock, Chris Brown apo familja Kardashian janë gjendur pranë të gjithëve në këtë ngjarje tragjike. Leonardo DiCaprio i është bashkuar rrethit të miqve të tij duke dhuruar 1 milion dollarë për viktimat e Uraganit Harvey.
Pas tij, edhe ylli i pop-it Rita Ora, ka ndihmuar familjet e përmbytura nga uragani Harvey në Houston, që ka lënë deri tani 38 të vdekur dhe ka shkaktuar 10 miliardë dollarë dëme.
26-vjeçarja e veshur me rroba të thjeshta sportive nuk ka hezituar që të shpërndajë kutitë me ushqime. Në ndryshim nga yjet e tjerë të Hollivudit që kanë dhuruar donacione, ajo ka vendosur të jetë vetë e pranishme dhe t’u ofrojë ndihmë njerëzve në nevojë.
