Urime pafund, trëndafila, iPhone apo makinë luksoze.
Këto ishin në mesin e dhuratave që ish-Miss Shqipëria, Trejsi Sejdini mori për ditëlindje dje në mbrëmje.
Bukuroshja shqiptare përcolli për fansat çdo moment të këndshëm nga surprizat që i bënë miqtë dhe të afërmit.
Dhurata më e veçantë ishte një makinë luksoze, tip “Mercedes Benz”, që priste buzë pishinës për të.
Por në një video të publikuar nga menaxheri i VIP-ave, Xhani Demika, dëgjohet një tjetër surprizë që i është bërë Trejsit.
Miss-i mund të ketë marrë një propozim mbrëmjen e djeshme pasi në video dëgjohet që ka marrë edhe unazën:
“Çfarë e ke atë në dorë? Trejsi ka iPhone-n më duket se paska marrë edhe unazën”.
Nuk e dimë se kush e ka surprizuar bukuroshen shqiptare me këto dhurata luksoze, por jemi shumë kuriozë të dimë emrin e fatlumit.
