Gaz Paja i dha fund beqarisë sot pasi lidhi kurorë me partneren e tij Ira Seferi.
Aktori i njohur i humorit, i premtoi dashuri të përjetshme bjondinës bukuroshe, në një ceremoni që u mbajt në taracën e Bashkisë së Tiranës, nën praninë e kryebashkiakut Erion Veliaj.
Dhe vetëm pak orë pasi çifti i tha “po” njëri-tjetrit, ka mbërritur edhe fotoja e parë zyrtare.
Ka qenë vetë Ira ajo e cila ka publikuar në Instagram, foton e parë me Gazin, tashmë burrë dhe grua.
Ata kanë pozuar me Sahatin në sfond, ndërsa shihen të përqafuar dhe shumë të dashurar.
Por pas celebrimit tashmë vjen festa. Sot do të ketë edhe një dasmë të madhe me miq dhe të afërm dhe gjithçka është gati në një prej hoteleve më luksoze në Tiranë..
Pamjet e publikuara nga Amarda Toska tregojnë një ambient madhështor dhe të arreduar me shumë shije.
Në sfond shfaqen fotot e çiftit të sapomartuar, që besohet se do të shoqërojnë momentet kyçe të dasmës.
Gjithçka është e kuruar deri në detaj me tryezat prej kristali dhe lule orkide dhe trëndafila të kuq.
