Vetëm pak ditë më parë u rikthye në qendër të vëmendjes sherri i bujshëm i një viti më parë, i cili u bë publik në emisionin “E diela shqiptare”. Çifti ishte ndarë prej kohësh, por ish-vjehrra nuk lejonte Eglantinën të merrte kujdestarinë e djalit të saj 3-vjeçar.
Pasi gjykata i ka dhënë kujdestarinë e djalit Eglantinës, ish-vjehrra e saj doli publikisht me akuza të forta ndaj familjes së ish-nuses. Ajo pretendon se nipi i saj dhunohet nga babai i Eglantinës.
Jo vetëm kaq, po ajo ka thënë publikisht në emisionin “Me zemër të hapur”, se ish-krushku shikon video porno në sy të nipit.
Pas këtyre akuzave të rënda mësohet se babai i Eglantinës ka përfunduar në spital.
Nisur nga situata e krijuar nusja është përballur ditën e sotme publikisht me ish-vjehrrën e saj në emisionin “Me zemër të hapur”.
Pasi Natasha e ka akuzuar ish-nusen se ka falsifikuar dokumentin e paraqitur për vlerësimin e fëmijës nga psikologu, ka shpërthyer sherri mes tyre, i cili është shoqëruar me akuza dhe kundër akuza të shumta.
Mirëpo në momentin që ish-vjehrra dhe babai i fëmijës kanë filluar të nxjerrin publikisht video të fëmijës, drejtuesja e emisionit është detyruar ta ndërpresë atë.
Pjesë e emisionit “Me zemër të hapur” ishte edhe edukatorja që fëmija kishte pasur gjatë kohës që jetonte me babain. Ajo tha se fëmija në 10 ditëshin e dytë të muajit shkurt shfaqi sjellje jo të hijshme dhe shqetësonte fëmijët e tjerë.
“Në 10 ditëshin e dytë të muajit shkurt shfaqi sjellje jo të hijshme, shqetësonte shokët dhe nuk iu bindej rregullave. Kërkova një komision që të dija si të punoja me fëmijën, në periudhën që ai ishte në kopsht, fëmija ishte me gjyshen. Më pas e mori e nëna. Me Eglantinën nuk kam asnjë lidhje, vetëm marrëdhënie prind-edukatore. Unë e kam ndjerë si nënë, e kam lejuar të komunikojë si nënë, edhe pse nga gjyshja e babi më thuhej të mos ta lejoja”, tha edukatorja e kopshtit të Sarandës, Valbona Mehmeti.
