Ditën e sotme në emisionin “Me zemër të hapur” u rikthye sherri i bujshëm mes nuses dhe ish-vjehrrës, i cili u bë publik tek emisioni “E diela shqiptare”. Divorci me bashkëshortin dhe kujdestarin mbi djalin e tyre është kthyer në mollë sherri mes dy familjeve.
Momente tensioni dhe ngritje zëri e kanë shoqëruar këtë emision, në të cilin u hodhën akuza të forta që prekin jetën e një fëmije 5-vjeçar.
Pasi lëshuan një lumë akuzash ndaj ish-nuses dhe familjes së saj, dy protagonistët, Armando dhe nëna e tij u larguan nga studioja e emisionit duke mos pranuar që të jenë më pjesë e tij.
Në momentin që po largohej nga studioja Armando i është drejtuar me ton kërcënues edhe psikologes së emisionit.
“Të vjen për të qeshur eh?”, i ka thënë Armando psikologes.
“Po më vjen me sjelljen tënde”, ishte përgjigja e psikologes.
