Pas këngës “Ai Se Eu Te Pego” që kishte bërë bujë të madhe në të gjithë botën duke u bërë hit edhe tek audienca shqiptare në vitin 2011, tash është një tjetër këngë që është bërë hit.
Fiks 99 ditë pas publikimit të saj kënga “Despacito”, nga këngëtari Daddy Yankee dhe Luis Fonsi, ka marrë hov të madh në dëgjueshmëri.
Despacito është bërë videoja e dytë më e shpejtë e klikuar në Youtube, me të arritur 1 miliard shikime pas këngës “Hello” të këngëtares britanike, Adele.
Pas suksesit të madh të kësaj kënge, artistët vendosën që të bëjnë një remiks me këngëtarin Justin Bieber, e cila po ashtu po pëlqehet shumë.
Nëse pëlqimi i kësaj kënge vazhdon me këtë ritëm atëherë ajo shpejt do ta kalojë edhe rekordin e hitit “Gangnam Style”.
