Femrat janë gjithmonë në kërkim të perfeksionit për çdo gjë, por sidomos për sa i përket pamjes së jashtme.
Por edhe nëse nuk jemi perfekte, ne nuk shqetësohemi sepse na vijnë në ndihmë produktet e grimit. Por jo gjithmonë ato janë të këshillueshme, pasi edhe mund të na dëmtojmë. Rasti në fjalë: qerpikët falsë.
Çdo femër do të donte që qerpikët t’i kishte të gjatë dhe të bukur. Por kur nuk i ka, i vendos ato falsë, nëpër evenimente të rëndësishme, ose thjesht edhe në përditshmëri. Por ajo që nuk e dinit, është se ato janë të dëmshëm, për post faktit se na bëjnë të dukemi bukur.
Shkencëtarët kanë zbuluar se qerpikët falsë shumë të gjatë thajnë syrin. Në fakt, qerpikët e trashë dhe të gjatë krijojnë një erë në miniaturë që shtyn më shumë ajër mbi sipërfaqen e syrit.
Kjo është arsyeja përse qerpikët e gjatë falsë thajnë syrin dhe lejojnë më shumë pluhur të hyjë në sy. Gjatësia perfekte e qerpikëve është sa një e treta e syrit tuaj. Sa më shumë qerpikë të keni aq më mirë do të jetë. Në këtë rast më e rëndësishme është sasia se sa gjatësia.
