Angelina Jolie potencialisht mund të jetë në mes të padisë ndaj Byrosë Federale të Hetimit.
Një grua e identifikuar si Jane Doe në dokumentet gjyqësore të marra nga ET po padit FBI-në për informacion në lidhje me hetimin e tyre në një incident të dyshuar të dhunës në familje në një avion privat disa vite më parë që përputhet me përshkrimin e incidentit që çoi në ndarjen e Jolie nga Brad Pitt.
Sipas dokumenteve të gjykatës, “Jane Doe” thotë në padi se ka “status publik” dhe kërkon të mbetet anonime.
Padia, e ngritur në bazë të Ligjit për Lirinë e Informacionit, kërkon informacion “në lidhje me hetimin e agjencisë për një incident të dhunës në familje që ndodhi disa vite më parë që përfshin paditësen dhe fëmijët e saj të mitur si viktima dhe dëshmitarë”.
“Disa vite më parë, ndërsa paditësja, bashkëshorti i saj i atëhershëm dhe fëmijët e tyre, të cilët ishin të gjithë të mitur në atë kohë, po udhëtonin me avion privat, bashkëshorti dyshohet se ka sulmuar fizikisht dhe verbalisht paditësen dhe fëmijët”, pretendon Doe në padi.
Doe shpjegon se FBI hapi një hetim, por “publikisht njoftoi se po mbyllte hetimin e saj për incidentin pa veprime të mëtejshme” dhe nuk e njoftoi atë për vendimin e tyre për ta bërë këtë.
Në padi thuhet se kërkesa e Doe për FOIA është pjesë e një përpjekjeje për të “kuptuar më mirë hetimin e FBI-së dhe për të marrë informacionin e nevojshëm që fëmijët e saj të marrin kujdes mjekësor dhe këshillim për traumën” mbi incidentin.
Doe pretendon se përgjigjet që ajo ka marrë në kërkesën e saj kanë qenë “ligjërisht të pamjaftueshme” dhe ajo ka ngritur padinë duke kundërshtuar “mbajtjen e të pandehurve për të dhëna shtesë”.
Lidhur me vendimin për ngritjen e padisë në mënyrë anonime, në padi thuhet se “ekspozimi i mundshëm i detajeve private në lidhje me sulmin dhe ndikimin e tij në shëndetin fizik dhe mendor të fëmijëve rrezikon dëm të madh për fëmijët” dhe se rreziku për fëmijët e saj “është akoma më i madh për shkak të statusit publik të paditësit.”
Incidenti i avionit që përfshin Pitt dhe Jolie ndodhi në shtator 2016. FBI hapi një hetim ndaj Pitt mbi pretendimet se gjatë një fluturimi familjar në shtëpi nga Evropa, Pitt dyshohet se u grind me një Maddox 15-vjeçar në atë kohë.
Më 22 nëntor 2016, FBI lëshoi një deklaratë për ET: “Në përgjigje ndaj pretendimeve të bëra pas një fluturimi brenda juridiksionit të avionit special të Shteteve të Bashkuara i cili u ul në Los Anxhelos me z. Brad Pitt dhe fëmijët e tij, FBI ka ka kryer një shqyrtim të rrethanave dhe nuk do të vazhdojë hetimet e mëtejshme. Asnjë akuzë nuk është ngritur për këtë çështje.”
