Prej disa kohësh, modelja shqiptare Angela Martini nuk ishte parë në shoqërinë e bashkëshortit rumun, Dragos Scavulescu dhe në media po aludohej për një ndarje të çiftit.
Mirëpo, siç u bë me dije, Scavulescu ishte prej një viti në arrati për shkak të problemeve me drejtësinë dhe vetëm pak javë më parë iu dorëzua autoriteteve italiane.
Pavarësisht problemeve, çifti u bashkua ditën e Shën Valentinit dhe Angela dha një mesazh për të gjithë ata që dyshuan tek pafajësia e bashkëshortit të saj.
“E vërteta, drejtësia dhe dashuria e vërtetë fitojnë gjithmonë”, shkruante Angela në një video.
Pas rikthimit me partneren, Dragos i është rikthyer surprizave romantike për të bërë të lumtur partneren e tij.
Në InstaStory, Angela ka ndarë një video ku tregon dhuratën e bukur që partneri i ka bërë, e cila e ka gëzuar modelen.
Biznesmeni rumun e ka surprizuar bashkëshorten me një buqetë gjigante me trëndafila të kuq dhe trëndafila rozë në formën e zemrës, ndërsa Angela shkruan krahas postimit:
“Nga bashkëshorti im”, duke e shoqëruar me një zemër të kuqe.
Angela dhe Dragos celebruan dashurinë e tyre në vitin 2017 në një ceremoni të veçantë. Modelja shqiptare i habiti të gjithë me fustanin e zi ekstravagant që kishte zgjedhur për ditën e rëndësishme.
