Prej kohësh ajo nuk ishte parë nën shoqërinë e tij dhe thuhej se i kishte dhënë fund martesës, megjithatë modelja Angela Martini ka treguar publikisht se është bashkuar me bashkëshortin e saj, biznesmenin rumun Dragos Savulescu.
Ai ka probleme me drejtësinë dhe për këtë arsye nuk ishin shfaqur bashkë, madje më 10 shkurt, mediat e shtetit rumun raportuan sërish për urdhër arrestin ndërkombëtar të lëshuar për Saluvescun për të vuajtur dënimin prej 5 vitesh për një skemë të tjetërsimit të pronave në bregdet.
Por, Shën Valentini nuk e ka mbajtur dot larg Dragosin nga bashkëshortja e tij Angela Martini. Kjo e fundit ka publikuar pak orë më parë një video ku shfaqen dy duart e dyshes, në një skenë tepër romantike.
Të dy plotësojnë dy pjesët e zemrës të tatuazhit që e bënë në prill të vitit 2016.
Në një postim tjetër Angela është shfaqur nga Milano i Italisë vetëm. Të jetë me bashkëshortin në Itali? Ajo nuk ka konfirmuar asgjë pasi me siguri i druhet ekspozimit të tij.
Dje është raportuar në mediat rumune se Savulescu pas rreth një viti në arrati i është dorëzuar autoriteteve italiane të cilat kanë nisur kontaktet me Bukureshtin zyrtar për ekstradim, proces i cili pritet të ndodhë në vazhdim.
https://www.instagram.com/p/B8jlF8riVGO/
