Parlamentin e Holandës ka nisur mocion për të anuluar udhëtimin përkohësisht pa viza për shtetasit shqiptarë në Zonën Shengen.
Kujtojmë se më datë 11 prill parlamenti holandez debatoi mbi këtë mocion, duke siguruar mbështetjen e shumicës.
Tani Parlamenti me një grup prej katër anëtarësh do t’i kërkojë qeverisë së Holandës t’i propozojë Komisionit Evropian të iniciojë procedurën e “frenimit emergjent” i cili mundëson pezullimin e udhëtimit pa viza.
Deputetët që kanë propozuar pezullim të vizave për shqiptarët në Shengen vunë në dukje se ka pasur një rritje të konsiderueshme në aktivitetet kriminale nga mafia shqiptare në Holandë dhe këto organizata kriminale po abuzojnë me mundësinë e udhëtimit nëpër Evropë pa viza dhe kështu zgjerojnë më tej rrjetin e tyre të kontrabandës, shkruan faqja zyrtare e Shengen.
Pezullimi i vizave ndodh në raste të emergjencës dhe është një mekanizëm i tillë, i rregulluar me Rregulloren e BE-së 1289/2013. Pezullimi mund të bëhet me shumicën e thjeshtë të votave nga Komisioni Evropian.
Në janar 2018, Franca kishte kërcënuar gjithashtu të rivendosë regjimin e Vizave Shengen për shqiptarët pasi vendi mori 730 kërkesa për azil nga shqiptarët në vitin 2017. /gazetareforma.com
