Ish-deputetja e LSI-së, Klajda Gjosha është shtatzënë dhe së shpejti pritet që të bëhet nënë për herë të dytë.
Vetëm pak ditë më parë ajo zbuloi publikisht gjininë e foshnjës përgjatë intervistës në emisionin “Provokacija”.
Klajda pohoi se shumë shpejt do të bëhet nënë e një vogëlushjeje:
“Njeriu duhet të dijë të ndajë momente të jetës private me këtë lumturi që unë po përjetoj së bashku me familjen time, për të pritur së shpejti një vajzë dhe pjesën tjetër që është ajo e profesionit. Unë jam pjesë e një profesioni që është shumë agresiv, shpeshherë. Megjithatë e gjithë kjo situatë do të sjellë një dritë jeshile në fund të tunelit.”
Ditën e sotme ajo ishte e ftuar në emisionin “Ftesë në 5”, prej ku tregoi se është në muajin e gjashtë të shtatzënisë dhe se ka shtuar vetëm katër kilogramë. Rikujtojmë se Gjosha ka një djalë që quhet Luis.
