Shumë nga fama që arriti Kim Kardashian e ka falë të pasmeve. Pavarësisht se 36-vjeçarja nuk e ka pranuar asnjëherë se ka kryer ndërhyrje për t’i zmadhuar, kirurgu i saj, jo vetëm që tregon të kundërtën, por pohon se e ka tepruar.
Dr. Aardon Rollins, që është kujdesur një kohë për pamjen e Kim, tha se fotografitë që u publikuan së fundmi, ku dukej celuliti i saj, duhet të shërbejnë si një mësim për të gjithë. Sidomos për ato femra që po dëshirojnë “të pasmet braziliane”.
“Le të shërbejë Kim si një mësim për të gjithë. Nëse keni celulit para ndërhyrjes, ai atje do jetë gjithsesi edhe pas ndërhyrjes. Kim ka dy fëmijë, ajo ka fituar dhe ka humbur peshë disa herë. Është njësoj si të frysh dhe të shfrysh një tullumbace vazhdimisht. Formohen rrudha që qëndrojnë aty. Kim nuk ka çfarë të bëjë më. Zgjidhja e saj e vetme mbetet “photoshop”-i. Njerëzit tashmë nuk duan më të pasmet e saj, por të pasmet e Kylie-t. Ajo është e re dhe pesha e saj s’ka lëvizur si ajo e Kim, të pasmet e së cilës janë shumë të mëdha. Ndoshta më të mëdha seç duhet”, shpjegon Dr. Rollins.
Rollins tregon që në të vërtetë një masë është marrë nga pjesa e barkut për t’u zhvendosur në të pasme.
Burimi: Daily Mail
