Për shkak të numrit të madh të jetëve të humbura në New York, varrezat nuk kanë pasur vend për të gjithë personat që kanë ndërruar jetë.
Kështu, janë hapur varreza masive në Hart Island, në distriktin e Bronx.
Në këtë vend po varrosen persona që kanë ndërruar jetë prej ditësh, mirëpo kanë mbetur në morg.
Asnjë i afërt apo familjar nuk është paraqitur për të vdekurit nga Covid-19, ndaj varrimi në këtë vend ka qenë zgjidhja e vetme për ta.
New York ka numrin më të lartë të të prekurve nga koronavirusi, ndërsa rikujtojmë se deri tani në SHBA ka shkuar në 493,087 numri i të infektuarve, ndërsa 18,325 persona kanë ndërruar jetë.
Brenda 24 orëve të fundit, në SHBA u regjistruan 1,634 jetë të humbura.
