Ajo ka vetëm pak javë që është bërë nënë për herë të parë dhe nuk ka kaluar shumë kohë për të na dhënë një tjetër lajm të madh.
Bëhet fjalë për karrierën muzikore të Almeda Abazit, e cila sot për sot është një nga këngëtaret më të dëgjuara në Lindjen e Mesme.
“Alabama” titullohet kënga e saj e fundit në bashkëpunim me këngëtarin turk Burak Yeter, e cila është kënga e dytë më e dëgjuar në Itunes në shtetin e Uzbekistanit. Kënga e saj renditet mbi projektet muzikore të artistëve të njohur si Adele apo Coldplay.
Lajmin e ka dhënë vetë Almeda në Instagram, ku tregon renditjen e këngës së saj. Me sa duket bukuroshja shqiptare ka një arsye tjetër për të festuar pas lindjes së vogëlushit.
Almeda Abazi dhe partneri Tolgahan e pagëzuan djalin me emrin Efehan dhe këtë e zbuluan disa javë para se ai të vinte në jetë!
Mami Almeda dhe babi Tolgahan mezi e prisnin të njihnin vogëlushin e tyre dhe sot janë prindërit më të lumtur në botë!
