Herë pas here Rozana Radi e përdor Instagram-in e saj për të dhënë mesazhe të forta.
Këngëtarja ndan me publikun fjalë, që jo të gjithë mund të t’i thonë dhe tregon një medalje tjetër të shoqërsë.
Së fundmi Rozana ka publikuar një foto të saj dhe sipër fotos tregon për një zhgenjim që me siguri shumë prej nesh e kanë kaluar.
Këngëtarja tregon se duke u përpjekur të jetë e drejtë me ata ose ato që nuk kanë qenë me të, humbi respektin për veten.
“Kam humbur shumë kohë duke u përpjekur të jem e drejtë me ata/ato që nuk kanë qenë me mua. Mendoja që gabimi isha unë dhe kisha harruar respektin për veten dhe buzëqeshjen. Vetëm pasqyrës dhe vetes nuk i fshihemi dot! Sot i qesha bë fytyre “gabimeve” të mia. Njerëzit e zgjuar duhet të mësojnë nga gabimet e të tjerve, s’duhet t’i bëjnë vetë ato”, shkruan Rozana.
Ky duket si një thumb për dikë që lidhet me këngëtaren, megjithatë ajo nuk ka zbuluar më tej.
Ky postim i saj ka bërë lëmsh edhe ndjekësit e saj të cilët pyesin: “Me kë e ka”?
