Ai ka paralajmëruar një super koncert më datën 1 gusht në Prishtinë, por me sa duket vështirë që ta mbajë fjalën.
Këngëtari i operas Ramë Lahaj është sëmurur nga një infeksion akut në fyt dhe rrezikon të performojë në sheshin “Skënderbeu”.
Lajmin e ka dhënë vetë Lahaj përmes një fotoje në Instagram, ku shihet gjendja e tij shëndetësore:
“Të dashur miq, këto ditë jam prekur nga një infeksion akut të fytit. Gjendja aktuale nuk është aspak e mirë por me shpresën dhe ndihmën e specialistit shpresoj gjithçka të jetë në rregull deri më 1 gusht.
Javë të mbarë për të gjithë ju!”
Vetëm pak ditë më parë ai njoftoi se më datën 1 gusht 2019, në orën 20:30, në sheshin “Skënderbeu” në Prishtinë, do të mbajnë koncertin Rame Lahaj & Friends.
Koncerti do të jetë i hapur për të gjithë dhe shpresojmë të mbahet!
