Një tjetër rast me koronavirus është raportuar mëngjesin e kësaj të enteje.
Rasti vjen nga qyteti i Lezhës, në spitalin e qytetit, ku një paciente e shtruar në pavion e ortopedisë i është nënshtruar një operacioni.
“Top Channel” bën me dije se simptomat nuk kanë qenë të dukshme, por me kalimin e ditëve gruas i është shtuar temperatura dhe mjekët i kanë bërë tamponin ku ka rezultuar pozitive.
Ajo ka qëndruar disa ditë në pavion dhe dyshimet janë se mund të ketë infektuar dhe stafin mjekësor.
Këta të fundit kanë kryer tamponet dhe pritet rezultati i tyre, ndërkohë pavioni i ortopedisë është mbyllur.
Ndërkohë, po sot janë konfirmuar dy raste të reja me koronavirus në Elbasan. Dy të infektuarit janë djemtë e pacientit 62-vjeçar, që rezultoi me COVID-19 ditën e djeshme.
Mbrëmjen e djeshme, një paciente 71-vjeçare ndëroi jetë në spitalin Infektiv në Tiranë.
Lajmi është konfirmuar nga ministria e Shëndetësisë, sipas së cilës gruaja vuante nga hipertensioni dhe ishte e shtruar prej 7 ditësh në spitalin Infektiv. Sakaq, numri i viktimave në vend ka shkuar në 6, ndërsa 17 pacientë janë shëruar plotësisht.
/Top Channel
