Aktori Will Smith është një prej emrave më të famshëm në botën e “Hollywood”.
Ai njihet për një numër të madh të projekteve të suksesshme në aktrim, po ashtu është i angazhuar edhe në muzikë.
Por, në njërën prej intervistave të tij të fundit, Will Smith ka treguar se po mendon seriozisht që t’i futet politikës në të ardhmen.
Duke folur në “Pod Save America”, Smith foli për idenë e kandidimit, por nuk dha ndonjë afat kohor. Megjithatë u shpreh i gatshëm të bëjë një hap ndryshe në karrierën e tij.
Duke iu referuar inaugurimit të presidentit të ri të SHBA-së, Joe Biden, aktori u shpreh:
“Unë mendoj se tani do të lejoj që zyra (presidenciale e SHBA-së) të stabilizohet pak dhe pastaj do ta konsideroj atë në një moment tjetër. Kam absolutisht një mendim: Unë jam optimist, shpresoj, besoj në mirëkuptim midis njerëzve dhe besoj në mundësinë e harmonisë”, shtoi Will.
Wild Wild…White House?
Will Smith discusses running for office: https://t.co/gJRsqcKfeU pic.twitter.com/tyTYe7me3g
— Pod Save America (@PodSaveAmerica) March 2, 2021
Pas kësaj deklarate, fansat janë të shqetësuar për faktin që Smith mund të heqë dorë nga kinematografia, pasi figura e tij është shumë e dashur në ekran.
Megjithatë, gjithçka i mbetet kohës, pasi as vetë aktori nuk ka diçka të qartë në kokën e tij. k k k
