Pa nisur ende as themelet, “Alabbar” nis shitjen ‘në ajër’ të apartamenteve në projektin e Portit të Durrësit. “Durrës Yatchs & Marina” ka bërë të ditur zyrtarisht në faqen e saj në Facebook se do të fillojë shitjen e apartamenteve në datën 8 dhjetor. Cmenduria nis me faktin që këto apartamente po shiten papasur ende një miratim apo leje konkrete, duke na rikujtuar vitet kur apartamentet shiteshin që në hapjen e gropës për themelet. Investimi i parakohshëm dhe kaq i guximshëm në një projekt në pikëpyetje është një rrezik i madh për cilindo qytetar që mund të mbesë pa asgjë. Projekti tepër i dyshimte i portit të Durrësit, një investim prej mbi 2 miliardë eurosh, u krye nga qeveria me një marrëveshje me procedurë të përshpejtuar, njësoj si me aferën e inceneratorëve.
Nga ana tjetër, pranë portit janë vendosur broshura për shitjen e apartamenteve.
Sipas planit të biznesit të projektit, cmimet e shitjes variojnë midis 1500-2000 euro/m2.Ndërkohë, që ende nuk dihet e ardhmja e këtij projekti, apartamentet po nisin të shiten “në ajër” ndërsa paratë do të shpenzohen për një projekt që qëndron ende vetëm “në letër”.
Pavaresisht këtij projekti, ende nuk dihet se ku do të përfundojnë paratë e investuara. Por tashmë shitjet kanë nisur dhe thuhet se ka persona të huaj që janë të interesuar.
