WhatsApp ka bërë atë që po prisnim!
Tashmë pa lejen tonë askush nuk do të përpiqet të na futë në çdo lloj grupesh që kanë krijuar.
Sipas WABetaInfo, një faqe e dedikuar për karakteristikat më të fundit të WhatsApp-it, funksioni do t’u lejojë përdoruesve të zgjedhin nëse duan të bëhen pjesë e këtyre grupeve.
Deri më tani, njerëzit mund të shtohen në grupet e WhatsApp-it pa lejen e tyre. Ky funksion do t’i ndihmojë përdoruesit të sigurojnë parametrat e tyre të privatësisë.
Sipas WABetaInfo, do të ketë tre opsione të ndryshme në parametrat e privatësisë:
Askush: Kur përdoruesi gjithmonë merr një ftesë kur dikush dëshiron ta shtojë atë në një grup. Përdoruesi nuk mund të shtohet automatikisht në një grup.
Kontaktet e mia: Kur përdoruesi mund të shtohet në një grup nga njerëzit e kontakteve të tij. Përdoruesi do të marrë një ftesë për t’u bashkuar në një grup nëse personi që e fton nuk është në listën e tij të kontakteve.
Gjithkush: Përdoruesi mund të shtohet në një grup pa leje.
