Shtetet e Bashkuara të Amerikës kërkojnë që Serbia të njohë shtetin e Kosovës. Përmes një letre Presidenti amerikan, Donald Trump, i shkruan homologut të tij në Serbi, Aleksandër Vuçiç, ku i bën kërkesën e papritur me arsyen e vijimit të dialogut me Kosovën.
“Shtetet e Bashkuara mbeten të palëkundura në përkrahjen ndaj angazhimit tuaj për të thelluar bashkëpunimin rajonal dhe në veçanti për përpjekjet tuaja për normalizimin e marrëdhënieve me Kosovën”, thuhet në letrën e bërë publike nga Vuçiç.
Nga ana tjetër, Trump i bën thirrje të dy shteteve që të arrijnë një marrëveshjeje për normalizimin e marrëdhënieve.
“Ne besojmë që njohja e ndërsjellë duhet të jetë elementi qendror i një normalizimi të qëndrueshëm të marrëdhënieve. Një marrëveshje e tillë historike, me njohjen e ndërsjellë në thelbin e saj, do të ndërtonte rrugën që ka si qëllim integrimin evropian të Serbisë dhe rritjen ekonomike”, thuhet ndër të tjera në letrën e Trump.
