Një sfilatë në Barcelonë, një në Komo dhe voila! Oriola Marashi është imazhi më i ri i markës së njohur Guess.
Modelja shqiptare pozoi dje për koleksionin e ri të 2020-ës dhe sot, publikoi në Instagram-in e saj dy foto nga shërbimi fotografik, ku duket në superformë me rrobat e banjos.
“Gjithmonë kam ëndërruar dhe punuar fort për këtë moment dhe të kem mundësinë ta përjetoj me ekipin më të mirë të punës, ka qenë momenti më i mirë i jetës sime! Jam e lumtur që jam një modele Guess.”
Më tej, Oriola vijon duke falenderuar drejtuesin e Guess, Paul Marciano dhe drejtoren krijuese të markës, Veronique Droulez.
Lajmi i afilimit të Oriolës pranë Guess si imazh, vjen pak javë pasi modelja Kejvina Kthjella publikoi në Instagram-in e saj disa foto nga një shërbim fotografik që realizoi për Guess.
Ndër vite, imazhe të Guess-it kanë qenë shumë personazhe të njohura në të gjithë botën, që nga supermodelja Claudia Schiffer, Amber Heard, Gigi Hadid, Irina Shayk, Jennifer Lopez apo edhe Belen Rodriguez për linjën Marciano Guess.
