27 korriku ishte dita më e lumtur e këtij viti për çiftin Orinda Huta dhe Turjan Hyska, të cilët kurorëzuan në martesë lidhjen e tyre të gjatë 10-vjeçare.
Përmes një ceremonie plot surpriza me të ftuar VIP, me familjare dhe miq, çifti përjetoi padyshim një nga çastet që nuk do të harrojnë kurrë.
Por tashmë që gjithçka ka përfunduar Orinda vjen në Express Rozë, për të rrëfyer çdo gjë në lidhje me natën magjike të martesës së saj.
Ajo ka treguar përse veshi vetëm një fustan nusërie dhe nuk e hodhi buqetën e luleve, ashtu siç bën çdo nuse në ditën e dasmës.
“Pse një fustan? Sepse unë ashtu e kisha imagjinuar. Kisha përjetuar momentet e veshjes së fustaneve të nusërisë tashmë prej 10 vitesh kështu që për ditën time më të bukur doja vetëm një fustan që të githa fotot të ishin vetëm me atë fustan. Të gjithë njerëzit të kishin vetëm një imazh për nusen. Unë nuk e konsideroj që duhet të bëj paradë mode në ditën time më të bukur sepse unë vetëm një ditë kisha”.
Sa i përket buqetës, Orinda tha: “Gjithçka ndodhi në dy ditët e fundit. Kisha harruar buqetën. Një nga gjërat që më kanë mbetur peng është, se duke qenë se fustani kishte një linjë të thjeshtë, do të doja që edhe lulet të ishin në linjën e fustanit. Unë doja një gjë shumë të thjeshtë edhe për buqetën dhe kisha menduar më parë që doja zambak. Por kur shkova tek ai që bënte buqetën më tha: Do dalësh nuse me lule zambaku? Duket që zambakun e blen kushdo. Po mua ato më pëlqejnë i thashë.. edhe ngaqë ua kisha lënë shumë gjëra në dorë njerëzve i thashë, ok bëjë si të duash. Por ditën e fundit kur e pashë buqetën thashë pse nuk mora mendjen time. Nuk e hodha buqetën pastaj, harrova, megjithatë unë ia dorëzova një prej mikeshave të mia”.
