Mbrëmjen e sotme, burime për “Panorama Plus” bënë të ditur se Oriela Nebijaj do të jetë moderatorja e spektaklit “Big Brother Vip”, që pritet të nisë në vitin e ardhshëm.
Për revista “Who”, moderatorja e “Wake Up” e ka mohuar këtë lajm. Sipas Orielës, do të ishte një sfidë shumë e mirë për të, por ende nuk ka marrë një propozim deri më tani.
“Nuk është aspak i vërtetë e deri më tani nuk kam patur asnjë bisedë në lidhje me ‘Big Brother Vip’ me drejtuesit e ‘Top Channel’. Do ishte një super sfidë dhe eksperiencë shumë e mirë, por nuk kam asnjë propozim deri tani”, – është shprehur Oriela Nebijaj.
Moderatorja përfundoi me sukses edhe emisionin që i dedikohej pushimeve gjatë sezonit veror me titull “Pushime on Top”.
Përveç Orielës, janë përfolur si prezantues të “Big Brother VIP” edhe Arbana Osmani, Ledion Liço, Luana Vjollca apo dhe Dojna Mema.
