Mëngjesin e sotëm është konfirmuar viktima e katërt në Shqipëri nga Koronavirusi.
Bëhet fjalë për një 43-vjeçar nga Kavaja, i cili mbrëmjen e kaluar ka shfaqur komplikacione dhe nuk ka mundur të mposhtë dot sëmundjen.
Ministria e Shëndetësisë bën me dije se burri nuk kishte sëmundje të tjera shoqëruese, përveç obezitetit.
Mësohet se për disa orë ai është vendosur në frymëmarrje të drejtuar (respirator) dhe pavarësisht përpjekjes së mjekëve ka ndërruar jetë.
Mbrëmjen e kaluar humbi jetën edhe një 71-vjeçar nga Kuçova, i cili krahas koronavirusit, vuante edhe nga kanceri në mushkëri.
Po ashtu viktimat e tjera janë një 66-vjeçar nga Lushnja dhe një 73-vjeçare nga Durrësi.
Tirana është qyteti me numrin më të madh të të prekurve me 63 raste, e ndjekur nga Fieri me 8 raste dhe Durrësi me 6 raste. Në total në vendin tonë ja konfirmuar 89 raste të infektuar me koronavirus.
