Protokolli i familjes mbretërore është shumë i rreptë dhe nga ai nuk bëjnë përjashtim as fëmijët.
“Harper Bazaar Australi” raporton se fëmijët e Kate Middelton dhe Princit William, Princi George dhe Princesha Charlotte, janë të ndaluar të ulen në tavolinë për të ngrënë me prindërit e tyre, kur ka të ftuar në pallatin mbretëror.
Fëmijët do të lejohen të ulen në tavolinë, kur ata të jenë rritur edhe pak, sa për të kuptuar rëndësinë e të ftuarve në pallatin mbretëror, dhe të mësojnë të sillen gjithmonë mirë. Kur Princesha Charlotte t’i ketë mësuar të gjitha rregullat e sjelljes dhe të folurit me të tjerët, i lejohet të ulet në tavolinë krah për krah me pjesëtarët e familjes mbretërore.
Ky nuk është i vetmi rregull që ata duhet të zbatojnë. Ata duhet të dinë më shumë se një gjuhë.
Revista “People” raporti në fillim të këtij viti se Princesha Charlotte tashmë ka filluar të mësojë spanjisht, megjithëse sapo ka filluar shkollën. Është menduar gjerësisht kjo gjuhë pasi edhe dadoja e saj, Maria Teresa Turrion, ka gjuhën e saj amtare spanjishten dhe i flet shpesh princeshës në këtë gjuhë.
Gjithashtu fëmijët duhet të ndjekin protokollin e rreptë mbretëror edhe përsa i përket veshjes së tyre.
Korrikun e viti të kaluar “BBC” raportoi se është e detyrueshme që Princi George të veshi pantallona të shkurtra si një anëtar i ri mashkull në familjen mbretërore. Natyrisht që ai e ka thyer këtë rregull muajin e kaluar kur mbante pantallona të gjata për martesën e Princit Harry dhe Meghan Markle.
Ndërsa përsa i përket stilit të veshjes së Princeshës Charlotte, ajo shihet rrallë pa një veshje me ngjyra të buta dhe me një jakë Piter Pan, apo një palë këpucë Mary Jane.
Burimi: BAZAAR
