Ditën e djeshme të gjithë u befasuam kur Jakub Kindl dhe Afërdita Dreshaj hipën në një avion privat për të udhëtuar duke festuar me gota shampanje në dorë.
Menduam se dyshja shkoi për pushime në ndonjë destinacion ekzotik, por u gabuam me sa duket!
Sot është përvjetori i parë i kurorëzimit të çiftit, dhe kjo ishte surpriza e organizuar nga partneri i Afërditës. Ata kanë udhëtuar drejt Çikagos, për të kaluar disa ditë fantastike!
Si sot një vit më parë Jakub dhe Afërdita lidhën kurorë dhe i premtuan njëri-tjetrit dashuri të përjetshme. Afërdita ka bërë sot një dedikim mjaft romantik për partnerin, përmes një videoje nga dasma!
“Një vit më parë, dhe një jetë përpara! Përgjithmonë pranë teje! Gëzuar përvjetorin dashuria ime”, shkruan ajo në Instagram.
Story i Afërditës është mbushur me foto e video nga festa e sotme që me sa duket nuk ka fund!
