Duke u bazuar në faktin se qeveria nuk i ka përfshirë në paketën e ndihmës financiare të emergjencës Covid-19, një grup artistësh të pavarur i kanë dërguar një letër të hapur kryeministrit Rama.
Artistët shprehen se pavarësisht se e kuptojnë punën e vështirë të kryeministrit, do të dëshironin që ai të merrte parasysh përfshirjen e komunitetit të tyre në paketën e ndihmës.
Sipas tyre, komuniteti i artistëve të pavarur do ta kishte të pamundur të mbijetonte ekonomikisht.
“Ne duam të kontribojmë për artin dhe kulturën në vendin tonë dhe nuk duam të emigrojmë, apo të detyrohemi të kërkojmë mënyra të tjera jetese, në pamundësi për të ushtruar profesionin për të cilin kemi investuar. Ndaj shteti shqiptar ka përgjegjësi për të mbështetur edhe kategorinë tonë në këto kritere.
Ndërsa në vendet e tjera të Europës nevoja e veçantë për mbështjetje për kulturën dhe artistët ka qenë ndër të parat që është adresuar, tek ne qeveria juaj pas më shumë se pesë javësh karantine dhe bllokimi të çdo aktiviteti artistik, ende nuk ka planifikuar përkrahjen financiare të këtij sektori, e konfirmuar edhe në deklaratat tuaja të fundit.”- shkruhet në letrën e publikuar në Instagram nga faqja “Oda e filmit”.
https://www.instagram.com/p/B_QPQIanaYp/
