Ka kaluar vetëm 1 muaj nga momenti kur Katy Perrry dhe Orlando Bloom u bekuan me një vajzë. Meqë ka kaluar pak kohë nga lindja, dy personazhet e njohur nuk ju kanë shpëtuar pyetjeve se kujt i ngjan më shumë e vogla.
“Është një fëmijë shumë i ëmbël. Katy më dërgoi një foto dhe mendoj se duket ekzaktësisht… epo sytë i ka si Katy, a nuk mendon dhe ti kështu?”, u shpreh Ellen.
Orlando e pranoi këtë gjë duke u shprehur: “Kur lindi mendova ‘Oh, qenka si unë! Është një kopje në miniaturë e imja. Dhe pastaj fatmirësisht ajo mori sytë blu të Katy, gjë që ishte perfekte”.
“Por më vonë ndonjëherë na dukej si nëna ime. Pastaj u bëra pak konfuz… cili do të jetë personi i radhës që do i ngjaj”, tha Orlando.
“Ndoshta mua”, ju përgjigj Ellen me shaka.
Aktori tregoi se vogëlushja është një fëmijë i urtë dhe se fle shumë gjumë gjatë natës. “Ajo fle nga ora 9-6. Është e pabesueshme, nëntë deri në gjashtë… është një bekim”, tha Bloom.
Kujtojmë se aktori është baba edhe i një djali 9-vjeçar të quajtur Flynn, që ka ardhur në jetë nga martesa e tij e mëparshme.
