Stresi dhe Keisi janë një nga çiftet më të komentuara të showbizit shqiptar dhe shpeshherë lëvizjet apo postimet e tyre në rrjetet sociale kthehen në lajme.
Mirëpo, jo në pak raste është vërtetuar se rrjetet sociale nuk janë një tregues i asaj çka ndodh në realitet dhe kështu ka ndodhur së fundmi me Keisin dhe Stresin.
Shkak që ata të pushtonin sërish kryetitujt e mediave rozë u bë një intervistë e reperit për NIN, ku ai foli rreth marrëdhënies së tyre.
Stresi tregoi se keqkuptimet me Keisin nisën pas daljes së tij nga burgu dhe për shkak se të tjerët ja tregonin asaj historitë ndryshe.
Mirëpo, ndër të tjera, teksa konfirmoi ndarjen prej saj, ai u shreh se Keisi mban ende mbiemrin e tij.
Aktualisht nuk jam me të. Ajo është shumë e shtrenjtë për mua përderisa ka mbiemrin tim akoma. Për një rikthim nuk mund të flas. Unë po ec para, se është dicka o vjen, o s’vjen.
Ajo që ngatërroi disa media është pikërisht një Instastory e postuar nga Keisi ku shihej karta e saj e punës e vëmendjen e mori fakti se aty shkruhej mbiemri i saj “Bezhani” dhe jo ai i Stresit.
Kjo u interpretua si kundërpërgjigje ndaj deklaratës së Stresit, mirëpo pakkush e vuri re se Keisi e kishte postuar foton para se të transmetohej emisioni.
Rreth kësaj çështjeje ka reaguar edhe ajo vetë, duke shkruar për “revistawho” se nuk është kundërpërgjigjur pasi fotoja ishte postuar më herët se intervista.
Nuk ju kunderpergjigja, foton e kisha hedhur perpara se te dilte intervista e tij. E hodha ate foto sepse kishin perdorur foton qe kam ber per @revistawho aktualisht. Dhe ndaj e konsiderova foton me te bukur sepse ishte e ber professionalisht prej jush.
Pra, Keisi mban ende mbiemrin e Stresit. Se çfarë do ndodhë më tej mbetet për tu parë.