Dafina Zeqiri ka qenë një nga artistet më aktive në muzikë muajt e fundit. Pak nga pak ajo po publikon dhe zbulon këngët të cilat janë pjesë e albumit të saj më të ri, “Dafinë Moj”. Ditën e sotme këngëtarja ka zbuluar se ka gati një tjetër bashkëpunim “bombë” me një nga reperët më të dashur shqiptarë.
Ajo ka zbuluar se ka bashkuar forcat për një projekt të përbashkët me Mc Kreshën. Këngëtarja ka publikuar në Instagram një video, në të cilën Mc Kresha shihet përkrah Lyrical Son, teksa ky i fundit këndon këngën që ka realizuar me Zeqirin “Llafe llafe”.
“Së shpeji! Dafina ft Mc Kresha”, shkruan Dafina në postimin e saj.
Detarje të tjera nga bashkëpunimi nuk janë bërë ende të ditura, por e sigurt është që kjo këngë do të jetë një hit.
Para pak ditësh, Dafina zbuloi se ka përgatitur dhe një duet me reperin tjetër Buta. Këtë lajm e bëri të ditur vetë ajo nëpërmjet publikimit të një videoje në Instastory ku dëgjohet kënga e reperit në sfond teksa e ka etiketuar dhe ka shtuar hashtagun e “Dafinë moj”, albumit të saj më të ri, pjesë e së cilit mesa duket do të jetë dhe një bashkëpunim me artistin.
