Pasi Khloe Kardashian i dha duart Tristan, ky i fundit është kapur mat me një tjetër vajzë në New York.
Basketbollisti është fotografuar në krah të një modelje brune që sipas “DailyMail” quhet Karizma Ramirez.
27-vjeçari është parë fillimisht i vetëm me dy kafe në dorë duke hyrë në hotelin e tij dhe më pas ka dalë bashkë me Karizma Ramirez prej aty.
Teksa duket se Tristan po ecën përpara me jetën e tij, për Khloe nuk mund të themi të njëjtën gjë.
Së fundmi ajo ka postuar në Insta Story një foto ku tregon se nuk mundet që të flejë natën. Skandali i tradhtisë ka qenë një goditje e fortë për të.
Për ata që e kanë humbur si informacion, rikujtojmë se Tristan Thompson është parë duke u puthur në një festë me Jordyn Woods, shoqen e ngushtë të Kylie Jenner.
Pak ditë më parë, Jordyn, rrëfeu për herë të parë publikisht versionin e saj të historisë në emisionin “Red Table Talk”.
21-vjeçarja pohoi se ka qenë thjesht një puthje në buzë dhe mohoi një lidhje të mundshme mes saj dhe Tristan.
Mirëpo kjo nuk është hera e parë që Tristan e tradhton Khloe-n. Vitin e kaluar ai u filmua duke u puthur me dy femra, pak ditë përpara se Khloe të lindte vajzën e saj, True.
