Pak ditë më parë reperi Noizy publikoi projektin e tij më të fundit “New Benz’.
Kënga ishte një bashkëpunim me reperin grek, Snik dhe menjëherë pas publikimit ajo u klikua me mijëra herë nga fansat.
Kënga u prit mjaft mirë jo vetëm nga publiku shqiptar por edhe nga ai grek dhe kjo bëri që reperi të prekte skenën e eventit të rëndësishëm “MAD Awards”.
Nëpërmjet postimeve në rrjetet sociale duket se reperi ka ndezur atmosferën dhe i gjithë publiku këndon bashkë me të.
Kjo është një arritje shumë e madhe për artistin, i cili momentalisht renditet në listën e emrave të këngëtarëve më të dëgjuar të momentit.
Por mbrëmja nuk ka shkuar vaj, pasi mediat greke shkruajnë se gjatë mbrëmjes, Snik është përballur me një reper tjetër me të cilin ka pasur konflikte të hershme.
Situata në sallë e është tensionuar ndjeshëm, megjithatë ndonëse në Shqipëri Noizy ka pushtuar titujt e mediave për konfliktet e tij, këtë herë nuk dihet nëse ai është përfshirë në sherrin e mikut të tij Snik.
