Puntata e parë e emisionit “Shqiptarët për shqiptarët” në “News 24”, ka nisur pa praninë e moderatores Ola Bruko.
Në studio kanë qenë vetëm dy ideatorët e programit, Elvis Naci dhe Sidrit Bejleri.
Pas kuriozitetit dhe pyetjeve të shumta të ndjekësve, moderatorja Bruko ka treguar në një postim në rrjete sociale se s’do të jetë më në moderimin e emisionit.
Ajo do të jetë pjesë e ekipit të “Shqiptarët për shqiptarët” dhe ky nuk ka qenë një vendim i saji.
“Mirëmbrëma te gjithëve!
Ndjej detyrimin të shkruaj dy fjalë për të gjithë ata njerëz që kanë nisur të më shkruajnë që prej orës 21.00 kur në ekranin e News24 nisi sezonin e ri emisioni aq shumë i dashur për mua dhe për ta “Shqiptarët për shqiptarët”. Për ata por edhe për të tjerët që pyesin veten “çfarë po ndodh?”.. Une nuk do të jem më moderatorja e programit tuaj të dashur, por vetem pjesë e ekipit të tij.
Ky nuk ishte një vendim i imi!
Do dëshiroja që askush të mos ndikohej nga ky detaj për të dhënë kontributin për ata njerëz që kanë vërtet halle e nuk duan të dinë fare se kush moderon e kush jo!
Une vazhdoj të besoj te mirësia! Uroj edhe ju!”- shkruan Ola në foton e publikuar në profilin e saj në Instagram.
