Rihanna kaloi një fundjavë të këndshme në qytetin e saj Bridgetown, Barbados, ku shkoi për pagëzimin e kushëririt Nikolai.
Këngëtarja 28-vjeçare dukej tepër në formë me një fustan të bardhë të ngjitur pas trupi. Ajo qeshte vazhdimisht ndërsa mbante në krahë mbesën e saj të vogël dhe postonte foto dhe video në rrjetet sociale.
Një ditë më parë, Rihanna postoi një deklaratë në “Instagram”, që kishte lidhje me ish-të dashurit e saj.
“Asnjë nga ish-at e mi nuk është i martuar ose i lumtur kështu që mund ta them me siguri që nuk isha unë problemi”, thuhet në foton që 28-vjeçarja publikoi në rrjetin social.
Pavarësisht thashethemeve për një lidhje me reperin Drake, që pas MTV VMA, çifti nuk janë fotografuar bashkë kohët e fundit. Ndoshta Rihanna i referohej lidhjes së shumë përfolur me Chris Brown, që përfundoi pasi ai e dhunoi këngëtaren.
