Balerina shqiptare Klaudia Pepa e ka treguar se po ecën me hapa të shpejtë sa i përket karrierës së saj në balet. Ajo ka përuruar akademinë e kërcimit, “Klaudia Dance Academy”, në Milano, aty ku mjaft të rinj mund të regjistrohen dhe të bëjnë kurse kërcimi me një nga balerinat profesoniste shqiptare, tashmë edhe italiane.
Drejtori Artistik i Akademisë së Klaudias do të jetë balerini Leon Cino, të cilin Klaudia e ka falënderuar në “Instagram”. “E lumtur që do të bashkëpunoj me një nga profesionistët më të mëdhenj”, shkruan Klaudia.
Ndërkohë, të dielën ajo organizoi ceremoninë e inaugurimit të akademisë, një moment ky që e përloti balerinën shqiptare dhe e emocionoi shumë. E shoqëruar nga koreografi i famshëm italian, Garrison Rochelle, i cili preu shiritin, Klaudia shpërtheu në lot gëzimi.
