Këngëtari i njohur Flori Mumajesi së fundmi ka qenë në qendër të vëmendjes mediatike për shkak të risive në jetën e tij sentimentale.
Ndonëse burime të shumta konfirmojnë lidhjen e tij me Kejsi Tolën, kantautori është përfolur edhe për një lidhje të mundshme me këngëtaren Fifi, temë kjo e ironizuar shpesh prej të dyve.
Por së fundmi, Mumajesi ka tërhequr sërish vëmendje duke postuar një selfie dhe pas shpinës së tij, dallohej një vajzë, fytyra e së cilës nuk shfaqej në foto, gjë që ka zgjuar kuriozitetin e ndjekësve të tij të shumtë.
Mirëpo le ta cilësojmë foto misterioze pasi Flori nuk e publikoi të plotë foton duke shtuar në këtë mënyrë pikëpyetjet dhe dyshimet rreth vajzës në fjalë.
Së fundmi “iconstyle.al” ka zbuluar personin “enigmatik” dhe ndoshta me siguri është ajo që ju prisnit të ishte.
Vetë Fifi! Siç mund ta shikoni në foton e mëposhtme, këngëtarja mban të njëjtën bluzë sportive veshur, si në foton me Florin.
S’ka më dilema apo jo? Vajza në foton misterioze u gjend!
Rikujtojmë se po ditën e sotme në një postim në Insta Story, Flori publikoi disa mesazhe të shkëmbyera mes dy personave, në të cilën shkruhej për Fifin.
Nga mesazhet nuk kuptuam dot nëse Flori mbante rolin e mbrojtësit apo të atij që shprehet keq për këngëtaren.
