Në prag të sezonit televiziv, Marina Vjollca u “arratis” në një muaj të dytë mjalti së bashku me bashkëshortin e saj Getoar Selimi. Majde në spotin televiziv të televizionit “Klan”, nuk dukej askund moderatorja dhe u kuptua se Marina është lënë pa një emision në këtë sezon.
Mirëpo burime për “Xing.al” kanë bërë të ditur se Marina Vjollca vijon të jetë pjesë e televizionit “Klan” dhe po punon për një projekt të ri. Emisioni do të trajtojë talente të fushave të ndryshme dhe mësohet se kanë nisur tashmë edhe xhirimet. Pritet që projekti i ri i moderatores Marina Vjollca të shfaqet në ekran në muajin shkurt.
Vitin e kaluar televiziv, Marina Vjollca prezantoi spektaklin “C’est la Vie”, ku personazhe të famshëm të botës së ekranit shqiptar sfidonin veten duke kënduar live.
