Çfarë të bësh një pasdite këtë sezon? E dimë që ndoshta mund të zgjidhnit të pini një kafe me shoqen, të takoni për të ngrënë diçka me të dashurin apo po vazhdoni të ëndërroni që nga mëngjesi për krevatin. Këto janë gjëra të zakonshme, mund t’i bësh çdo ditë të çdo jave.
Po sikur të bësh diçka të veçantë këtë të enjte, jo vetëm por bashkë me shoqërinë, personin e zemrës apo prindërit?!
Në Shqipëri janë të pakta eventet që organizohen, ndaj nëse marrim vesh për një të tillë shumë prej nesh bënë të pamundurën për të gjetur një ftesë apo biletë. Në këtë rast ftesën e ke në xhep, pasi eventi do të organizohet pikërisht për ty!
Marka e njohur “Swatch” në Shqipëri organizon një super event nesër më 24 maj dhe fton që të bëhen pjesë e tij të gjithë adhuruesit e orëve, ata që ndjekin trendet e fundit apo që janë kuriozë të hyjnë në botën e markës zvicerane të orëve.
(Kliko për ta hapur ftesën)
Ej, po ku të vij?
I ndodhur në Qendrën Metropol, Rr. Sami Frashëri, eventi “Skin Irony” është menduar në këtë mënyrë: me DJ, banket të hapur dhe biseda me personazhet e njohur. I organizuar nga ora 17:00 deri në orën 21:00 të ditës së nesërme (24 maj), zgjidhni ju se kur të shkoni, pasi në çdo moment do të ketë një surprizë të re. Kjo është një mënyrë e mirë për të kaluar pasditen e së enjtes dhe për t’u njohur me koleksionet më të fundit të “Swatch”, të cilat janë përshtatur për elegancë absolute të të përditshmes.
Dhe diçka shumë të rëndësishme: ky koleksion është HISTORIK! E dini pse? Sepse për herë të parë “Swatch” ka dizajnuar orën më të hollë ndonjëherë metalike, vetëm 5.8 milimetër.
Një orë shumë praktike, e lehtë dhe që quhet “e ardhmja e klasike”. Mbi të gjitha me çmime të përballueshme nga të gjithë. Gjithsesi do të vini t’i shikoni vetë!
Po çfarë të vesh?
Një gjë e rëndësishme sigurisht që është kodi i veshjes! Nëse menduat diçka “gala” apo u vendosët në siklet se çfarë të vishni, mos u shqetësoni aspak! Zgjidhni diçka “casual”, klasike apo avangarde, mjafton që t’i ndihesh mirë me veten dhe pse jo të tregosh detajet që nxjerrin në pah stilin dhe karakterin tënd.
Njerëz super… Seriozisht!
Super festë = super njerëz. Dhe një prej tyre je dhe ti! Nuk është e nevojshme të jesh pjesë e grupit të të famshmëve shqiptarë, për t’u bërë pjesë e ftesës. Mjafton të kesh dëshirën për të njohur njerëz të rinj, të jesh i pasionuar pas modës dhe vouila: “Mirëserdhe në festë”!
Personazhet publikë që do të bëhen pjesë e eventit bashkë me ju vijnë nga fusha të ndryshme, ndër to përmendim, moderatorin Ardit Gjebrea, blogeren Estela Ujka, Roza Latin, Florian Agalliun, Briken Fejzullai, Rudina Magjistari, Fiori Dardha dhe Eva Muratin.
Ato do të jenë të gatshëm t’u përgjigjen për këshillat e stilit që mund të kërkoni apo për të mësuar diçka më shumë prej tyre 😉
Ç’e do celularin, kur ka fotograf!
Dhe më e rëndësishmja, dy fotografë do të jenë në dispozicionin tuaj. Fotot do të publikohen më pas në profilet zyrtare të “Swatch”.
