Po prisni një fëmijë dhe e keni shumë të vështirë të vendosni për emrin. Mbase bebja ka lindur dhe ju akoma jeni në dilemë… Ju besojmë!
Me siguri keni marrë me dhjetëra sugjerime nga të afërmit tuaj, por akoma nuk zgjidhni dot emrin e duhur sado që mendoheni e mendoheni.
Dakort, e dimë që as këtë nuk e keni menduar më parë, por bëni mirë të vendosni sa më shpejt një emër për të voglin tuaj, pasi ligji në vendin tonë parashikon një afat të caktuar që ju të keni mundësinë të zgjidhni dilemën tuaj të madhe.
Në legjislacionin e shtetit shqiptar shkruhet se afati për të regjistruar një fëmijë në gjendjen civile është 45 ditë nga lindja.
Nëse nuk arrini ta regjistroni brenda këtij afati prindërit janë të detyruar të paguajnë shpenzimet gjyqësore, shpenzimet për avokatin dhe një gjobë prej 2000 lekësh të rinj pranë Zyrës së Gjendjes Civile.
